APSDko 1. mailako ikasleek tailer batez gozatu ahal izan dute Txiribueltaren eskutik.
Txiribuelta irabazi-asmorik gabeko gizarte-ekimeneko kooperatiba bat da, eta pertsona guztiek, haien inguruabarrak eta bizi-baldintzak edozein direla ere, munduan leku bat dutela sinetsita sortzen da. Taldea osatzen duten pertsonak desgaitasun intelektual, fisiko eta/edo sentsoriala duten pertsonentzako jardueretan espezializatuta daude: estimulazio multisentsoriala Snoezelen kontzeptua eta uretako jarduera terapeutikoaren bidez.
Hauekin, ikasleek beren proiektua ezagutu ahal izan dute. Pertsonan Oinarritutako Arretarekin lotura handia duena, eta beren pertzepzio eta sentsazioekin esperimentatu dute. Badakizue 7 zentzumen ditugula? Dastamena, usaimena, ukimena, ikusmena, entzumena, bestibularra (mugimendua) eta propiozepzioa (geure gorputzaren pertzepzioa: organoak, muskuluak…)