Joan den ostiralean, martxoaren 21ean, ASKTko 1. mailako ikasleak Nafarroako Parlamentura joan ziren Nafarroako beste ikastetxe batzuetako taldeekin batera (Uharteko LHI, Nafarroako Eskola Politeknikoa, Iruñeko Jesuitinak Ikastetxea), Nafarroako Nuevo Futuro Elkarteak antolatutako ‘Kreamundos – Mundua aldatzeko lanean’ proiektuaren baitan antolatutako jardunaldian parte hartzera.
Topaketa honek ordezkari politikoen eta gazteen arteko elkarrizketa zuzena bultzatzea eta etorkizuneko lanaren inguruan hausnartzea zuen helburu.
Bertaratutako gazteek galdera garrantzitsuak prestatu zituzten saioan izan ziren legebiltzarkideentzat: Angel Ansa (UPN), Kevin Lucero (PSN), Irati Jiménez (EH Bildu), Itxaso Soto (Geroa Bai) eta Daniel López (Zurekin).
Horrez gain, saioan zehar, gaurkotasuneko gaiak, kezkak eta esku-hartzeko proposamenak biltzeko talde lanean jardun zuteb, eta, ondoren, amankomunean jarri zuten, figura politiko horiei beren ondorioen berri emanez.
